9:00-10:30 由 Lauterbrunnen 去Interlaken check in
10:30-13:30 遊Blausee
13:30-17:00 由Blausee 去Kandersteg,再上山遊 Oeschinen Lake
17:00 回Interlaken
住:Backpackers Villa Sonnenhof
由Blausee 搭車去
Kandersteg,一個很寧靜的小鎮
沿途見到一間小店賣一de 好精緻ge 模型,可惜星期日close 左...
感覺上瑞士四圍都有遊樂場,瑞士的小朋友應該幾開心
又搭gondola 上山
上到山意外地見到有togoggan,yi?咪係之前0係
Fräkmüntegg玩唔到0個個??雖然上次係免費,今次要俾錢,但價錢都唔算貴,咁難得當然要玩吓~
過程就係控制住呢架車仔,0係軌道上前進,可隨意加速或慢速
依山而建的軌道
遊戲唔算刺激,但最正ge 係可以望住呢個靚景玩,體驗下都幾開心
玩完就正式出發!!呢個 Oeschinen Lake 係要行山的,最短的路程應該係先下山,然後按原路上山搭gondola,但上網爬文有人建議如其辛苦上山,不如繼續向下行,放棄搭gondola,一直行落火車站,這路線會較輕鬆~而我選擇了後者,因為我真係好怕上斜...
一幅理想退休畫面
瑞士人真係好厲害,可以輕鬆自如地揹住小朋友行山,呢條路都幾斜及長...
行行重行行後終於見到個湖,如果兩湖相比,Blausee 比它漂亮,而且唔駛行得咁辛苦.....
因為這天是星期日,有很多一家大細野餐,這種家庭生活真係好健康!!美景當前,當然亦唔少得有戀人浪漫一番~
休息左一陣,又要出發,繼續向下行
沿途見到一個媽咪帶住三姊弟,邊行邊玩,如覆平路,厲害......
呢段路比想像中斜及辛苦,因為碎石較多,要行得好小心,如果有行山杖相信會好好多......
幾經辛苦終於落左山,看一看時間發現是4:12,原打算搭5:05 的一班火車,但早一班火車是4:25,而由山腳行去火車站至少要15 mins!!! 心想,如果可以早一點回去,便可以坐到suset cruise,0係interlaken 的湖上睇日落!而今日天氣咁好,相信日落會好靚~既然係咁,雖然好趕,都嘗試一下行快幾步~~~好可惜,在腳痛的情況下,結果都係送車尾.......
既然係咁,0係車站附近漫步......
等到肚餓,買包餅充飢,意外地好味,後來發現香港有得買~~
返到interlaken 趕唔切搭sunset cruise,但見到個日落好靚,結果展開追日之旅! 沿著一條向湖的小路直行,行行行,行了許久仍未有湖的蹤跡...看到巴士站,但又遇不上巴士...
車站附近看到馬車
天色很清
"益自己友" 都要港幣二百大洋.......無福消受...
行行下見到有間屋仔,屋前草地養了兩隻羊仔,有私人草地及私竇,太寫意...
走到日落也看不到湖,唯有走回頭路...今日日落真係十萬個靚,所以搭唔到sunset cruise 實在有點失落.........
傻傻的追日落,行到隻腳真係好痛.....回hostel 檢查傷勢,腫左.....