認識世界。認識自己

家人想離港消遣,比較過珠海,中山,深圳後,決定去好耐之前想去但結果去唔成ge "東部華僑城"

決定得比較倉卒,去中旅買package,華僑城內有幾間酒店,比較實惠的是瀑布酒店及房車酒店,問中旅的職員有關酒店的詳情,但遇到個好hae ge 職員,只謂"無咩分別,係位置有少少唔同"...因為後者便宜一點,所以就book 左房車酒店

旅遊書不多介紹這個地方,對酒店的描述更少,但睇完已經有少少後悔,因為瀑布應該係比較方便,但可惜已經轉唔切...既成定局,唯有接受

中旅有巴士套票,但來回得一個時間,去程8點幾,回程6點幾,換句話說要花近30小時0係裡面,時間欠彈性,所以缺定自己搭公車入去

點知就為中伏之旅舖路.....

我地大約10點左右出發,經落馬州過關,先去"科學館站",因為突然好想食羊,0係openrice 搵到呢間"塔里木河大酒樓"

位置有少少難搵,出地鐵站後大約行15 分鐘就到

menu 裡面真係有好多"羊"的菜式,一場lei 到當然係全羊宴

可惜得2個人,只可以淺嘗,叫左個桂花蓮藕作前菜,仲有烤羊串,烤羊排,羊湯,仲有"羊內手抓飯",

手抓飯好好食,飯應該用羊汁煮過,加埋甘荀及豆,有甜甜的味道~桂花蓮藕有好香桂花香,但烤羊有點辣,羊湯就不試也罷
 

酒樓附近有唔少文具批發店,仲有樂器城,行左陣就搭地鐵過羅湖轉公車

上網睇0係羅湖可以搭387號公車過去,大約1小時,車費$6

但結果搭左約個半鐘,好彩總站上車一定有位坐......

落車後仲要行大約15 分鐘先到華僑城門口
 

我們的酒店在山上,所以要0係門口再搭一架909 公車上山,但估唔到呢一程"上山" 就好似中環上山頂咁,大約搭左25分鐘,耐到以為自己錯過左落車,而且仲要$10一程!!!! 完全係搶!!!

幾經辛苦終於到酒店,點知都未check 完in,個職員就話如果要去園區玩,就要搭1個鐘得一班ge shuttle (免費),而下一班就係3分鐘後.....

結果,為免今日淪落到只係搭車搭車再搭車,連房都唔返放低行李就出去玩.......

由酒店去茶溪谷大約5-10分鐘車程,只有馬路沒有行人路,所以假如miss 左shuttle 就唯有呆等1小時........

終於去到玩,時間已經係4:45,園區收6點

茶溪谷係睇景,有花田、草地、植物館等,不過0個日天氣一般,影相效果不太好

花田遠看比近看靚,反而幾鍾意教堂下一大片草地~間教堂係一個伏,要行一段斜路先上到去,但其實影遠景已經好足夠.....