一個來得突然的trip,出發前一星期左右才買機票,第一次咁即興去旅行~中五去過台北,今次決定去台南-高雄+墾丁!
因為太遲買機票,結果係超早機去,晏機返,符合"好抵玩"的原則~
半夜三點幾已經要搭機場巴,五點已經到機場。
從未試過咁早到機場,真係"鬼影"都無隻......
上到半空,當然又要影下靚靚天空,真係百影不厭...
港龍的飛機餐,還可以的~
一早安排了司機載我地直落墾丁,但唔知點解似泥猛的,佢順道載多兩個人一齊.....不過算啦......
途中發生小插曲,話說我地在香港已經預約了一個叫小簡的司機第二天載我地,但泥猛車的司機二號(中途轉了司機)無啦啦說小簡唔得閒,然後派張咭片俾我地,話佢可以載我地。人生路不熟,但我地覺得有de 可疑,而且覺得成件事好奇怪,諗住喺hostel settle down 再算...
因為太遲book,墾丁大街以及出名的hostel 已經fully booked,我地只book 到較遠的一間hostel,雖然遠一點,但感覺也不錯的~
木地板,木枱,還有籐椅,很大自然的感覺~
獨立小木屋
屋外的小園子裡有涼亭
還有小千秋
一步入recetpion,這隻熱情小狗已經跑出來迎接,還表演花式,一隻可愛的PR狗~
settle down 後便要解決司機的問題,正當想幫襯hostel老闆時,小簡突然殺出! 原來之前那個司機是想搶生意,便胡說小簡唔得閒,幸好小簡出現及時,結果我地就照原定計劃跟小簡~
攪掂一切,當然要醫醫肚,老闆娘載我地去附近一間餐廳食海鮮。忘記了是什麼,印象中味道不錯的。
食完就出發去第一個景點-海生館!
門口有個小水池,de 小朋友玩得好開心
呢個角度睇都幾型,可惜天氣一般,仲有少少雨...
去海生館當然要影靚相,雖然唔係第一次睇企鵝,但仍然覺得好靚呀~^^
好味龍蝦 x1
兩條動作一致的魚魚
點解咁大堆頭?當然係因為有飯開啦~
(待續)
留言列表