2012.9.14(五) 晴
8:55-11:30 Luzern->Lauterbrunnen
11:30-2:00 hostel check-in 及食lunch
2:00-6:30 行山 ( Grutschalp 1486M > Murren 1650M > Gimmelwald 1363M)
連續兩日由朝行到黑,已經覺得攰攰地,好彩今朝可以搭長途火車,俾對腳休息下~
買左普通火車票由
Luzern->Lauterbrunnen,車程大約2.5 hrs。呢條線有隻Golden
Express ge 全景火車,不過路線無分別,只係塊玻璃大de,但無得拉低,咁即係實反光,所以我只係搭普通火車,景色照樣優美,真係隨便按快門都影到靚相(坐右邊先有靚湖睇)~~
架火車行左一大半後,會0係某個中途站調頭行,令我有少少心驚,擔心係咪唔記得轉車....好彩無驚無險到達Interlaken Ost,然後轉車上半山小鎮Lauterbrunnen~0係hostel check-in後就去左斜對面的hotel oberland 食個好味set lunch,之後就0係火車站隔離ge 纜車站搭車上山~
餐廳有戶外位,望住雪山食飯感覺抵食好多!
可以選擇搭上去Grutschalp 或Murren,但因為見過人話由Grutschalp 行去Murren 的一段雖然係上山,但一de 都唔辛苦,而且仲好靚,所以我就決定由Grutschalp 開始今日ge 健行~
一出閘就見到三大峰0係眼前,對前路充滿盼望!!呢條線一定要順呢個方向行,如果唔係三大峰就只會在背後.....
兩旁高高的樹
地上長長的影
沿路有好多長椅,隨時可以坐低靜心欣賞雪山的美態
與前往Murren的火車並行
健行路線有清晰ge 指示牌,所以唔需要地圖都可以好放心行
發現雪山的倒影
沿途一個休息亭寫著Jesus loves you
望住佢地行真係特別愉快,不過因為左腳腳底腫左,所以都要頗頻密地休息....其實呢條線真係唔算難行,大多數都係平路,沿途會見到好多公公婆婆行,又有人拖狗仔,或跑步等,而佢地係好有禮貌,迎面見到都會say hi,真係say hi 都say 到口乾,但見到面都係一份緣份~
影影下呢張相發現有火車近距離lei 緊....
發現一粒大菇菇
邊行邊影邊休息,大約兩個鐘後到達Murren,因為旅遊書介紹一個叫
Allmendhubel的地方有花田,所以就去左搭登山吊車,印象中呢程係全程最平ge 吊車,來回只係chf$6~
上到去見唔到花田,唔知係咪唔啱時候...而且因為要趕返尾班車落山,時間唔多,無行得太遠,只係0係車站附近行下影下相
又一次對住雪山玩秋千的機會~
雖然無花田,但近距離見到牛牛
5點落返去Murren,落山時遇見一個從加拿大去瑞士玩個半月,用canon 單反影相的婆婆,佢話瑞士物價比加拿大仲要高一截。
呢罐可樂就足以證明,0係一間由一個識講廣東話ge 新加坡人開ge store 買的,HKD$20.....不過行到好累時飲罐可樂,真係人生一大享受!!!
de 雲ge 形狀千變萬化
因為腳痛的關係,本來有打算直接從Murren搭車落山。不過因為罐可樂
,加上天氣非常好,唔繼續行實在有de 可惜,就鼓起勇氣繼續行落Gimmelwald!!結果都算值得的,因為 Grutschalp 去Murren 係睇山,Murren 去Gimmelwald 就係睇瑞士屋仔同後花園~沿途會好近距離經過de 屋仔,可以欣賞佢地點打理花園,真係好有心機!!
行行下見到個好大ge 「籠」,裡面養左幾隻兔仔,有咁大ge 地方真幸福...
好多得意裝飾
如此景色真係百看不厭...
對面的山峰有一條長長的瀑布
除左睇屋仔,呢條線都有唔少牛牛咩咩~
點解要擺個咁ge 野0係花園,夜晚見到實嚇親...
雖然係下山路,但比想像中遠,而且呢條線ge 指示牌比較唔清晰,行行下要問人先確認無行錯以及剩餘距離
0係Gimmelwald 搭吊車落去Stechelberg
接近黃昏,望住山的顏色不斷變化
落山後望返條吊車纜好似好兒戲咁....
6點左右落到山,點知返Lauterbrunnen 的車好疏,要等到7點先有車.........結果返到去7點幾,coop 收左,無飯開,好彩有roommate 「雪中送蛋」........
食完飯出露台睇星星,漫天星星,好舒服.......