從生活館一出來便看見了他們,看來是一年一度天神祭的序幕
0係附近M記食個快lunch,然後去左2 day pass 包的"浪速之湯"泡湯!!雖然同樣0係天神橋筋六丁目,但都有少少難搵...行左廿分鐘左右終於到,憑劵免費入場~第一次進行這樣光脫脫的活動,不過一個人反而無咁尷尬,反正你唔識我我唔識你,無咩蝕底~~~
不過第一次咩都唔識,唯有偷望其他人點做,盡量表現得自然.....雖然唔係正式溫泉,但有溫泉湯,又有好多唔同功能的溫水池,浸完都覺得好舒服,感覺亦好新奇,haha~浸完見到有專人按摩,見收得唔貴又試下,舒舒服服地離開,出發前往天王寺動物園!!!
見到地鐵站內的壁畫便知道有動物園
旅遊書說天王寺站比較"雜"一點,沿路見到好多"平民食店",有些像食關西煮的東西,不過太多大叔,唔敢入去試....
行左又大約廿分鐘,終於見到動物園入口,比想像中遠了一點...
一入場,祖國式的雪姑七友迎接我.........立即對這動物園不存厚望.......
但想不到這動物園一點也不兒戲!!!有二百幾種動物,打理乾淨,動物活動空間足夠,更不乏有大草原等,又一個非常滿足ge 景點!!!
先有大河馬先生
為食犀牛
兇悍獵豹