今日一朝早就去騎馬,有shuttle 到hostel 接送,咁啱同房一對台灣姊妹都係報左呢個團,所以有伴一齊去~佢地兩姊妹一齊嚟探working holiday 的細佬,so sweet,ha~
騎馬的地方在一個熱帶雨林,所以車程都有少少遠,幸好今日天氣都唔錯
聽左少少簡介,租左對水鞋,每個人就獲分配一隻馬,而當日隻馬就會係自己的代號
呢隻就係我的好拍擋--Trincat,佢已經係媽媽級,所以好馴好乖好聽話,唔會攪攪震,唔似有de 會成日掛住食草,又離吓隊,ha
第一次騎馬,起初都好緊張,好驚會失平衡墜馬...坐左上去覺得都幾高,初頭緊張到大腿痛,但後來習慣左放鬆左就無咩野,haha~除左跑左幾步有少少失平衡的感覺外,其餘都好安全,即使係上落斜都係好安穏,果然是專業的好拍擋!!
 |
| 我地就係咁樣,0係工作人員陪伴下,0係草原及樹林內踱步,突然覺得有斷背山feel |
 |
| 全程的戲肉就係騎馬落河,真係好刺激,因為教練話隻馬係有機會冼腳,而且因為落完雨,所以0個日水位比較高,結果我濕到上大脾,好彩條褲薄,乾得快.....(此為網圖) |
途中的確有一隻馬冼了一較,正正係個台灣女仔的馬,好彩無咩事,有驚無險!
 |
| 馬場佔地很大,除左馬仲有養其它小動物 |
 |
| 馬其實係好細膽的,所以好少會好似咁攤0係度訓 |
團費包埋午餐,但呢個午餐就真係比較一般,仲要有好多烏蠅同埋蟻,好wild.....
返左hostel 休息一陣,見到Australia Day 有個event 0係Botanic garden 舉行,而且呢個garden 本身都有興趣睇吓,所以就出發!
但今日係星期日,巴士班次疏得離譜,個半鐘頭一班車,結果我等左一個鐘先上到巴士....
不過0係附近商場用吓wifi,買吓gelato 食,時間不算太難過,或許已被當地的悠閒感所影響
 |
呢間gelato 係當地最受歡迎的,但卻係我人生食得最狼狽的一杯雪糕!!
或許天氣真係太熱,出門唔夠幾步就開始溶,仲要係以極快速度溶掉!!
一邊食一邊滴,佢又無俾紙巾,總之就係一杯難忘的雪糕.....(而且味道只是一般) |
雖然等好耐車,但其實唔算好遠,大約20 mins 車程就到
點知去到先發現中伏,原來有event ge 係另一個很遠的Botanic garden......
一場去到,諗住都睇吓,但原來呢個地方好大,基本上係一個山頭,而且指引唔算好清晰,加上巴士極疏的關係,我只係行左一陣就離開左,但都已經見到de 幾特別的植物,相信山上會有更多...
 |
| 呢棵樹唔知要幾多個人先攬得到呢? |
|
|
白行一趟已經有de sad,最sad 係竟然遇上同一個巴士司機........仲要係,佢認得我.....
一句"such a short trip!" 成功推我落谷底 ............
返到市中心,去海傍睇吓Australia Day 有咩活動,不過其實都唔太特別,主要係俾小朋友玩ge 攤位,大人就主要係聽吓音樂
見到de 小朋友玩沙畫,忍唔住玩埋一份~其實原理好簡單,只係一張貼左雙面膠紙ge 板,將de 膠紙慢慢撕落嚟,然後撒上唔同顏色ge 沙就完成
 |
| 呢張係製成圖,但見到de 小朋友嘅作品就令我慚愧.... |
之後仲有機會抱鱷魚仔,因為動物園嚟左擺檔籌款~
無咩好做又熱熱地,決定又游吓水,ha~真係好悠閒!
雖然唔識呢隊band,但都坐低聽左陣
可以坐0係草地上聽歌都係一件樂事
因為聽日潛水的關係,今日要去租相機,估唔到部機勁重,應該話個盒重過部機....
因為太重,唯有返一返hostel 先...沿途聽到好嘈,原來係蝙蝠......
今日因為早起,所以感覺好似好漫長.....去左市內比較大的shopping center,但因為係星期日,所以6點左右已經全部關門大吉,享受family time,呢點同香港真係好唔同....
出去覓食,見到漫天蝙蝠,都有de 恐怖....
 |
| 快到影唔到 |
 |
| 夜晚仍然有人游水 |
 |
| 今晚0係呢度開餐 |
 |
| 發現有AUD$10自助餐,仲要有海鮮,當然一試!! |
 |
| AUD$10 一個盒,一次任裝,反正我食量不大,剛好~~試左蝦同埋青口,味道尚算不錯!!以呢個價錢0係澳洲算係超值,ha |
 |
| 很少見到小朋友賣藝,仲要係3個,當然要支持一下!! |
 |
| 行supermarket 係旅行的一大樂趣,又買左芒果食,ha |
 |
| 好靚的海綿寶寶(亦稱佢為「發霉芝士」)蛋糕訓左0係雪櫃裡 |
 |
| 0係間手信店見到佢,好攪笑~~XD |
)
