close
行完博物館後返左新宿,午餐食蛋包飯+心太軟
醫飽個肚,行咗陣就出發去相模湖睇燈祭~~
呢個係關東地區最大型嘅燈祭,同一時間亮起約500萬顆LED 燈,配上盛開的櫻花,係今個行程一大亮點~~
燈祭地點其實喺一個遊樂園區,日間可以玩機動遊戲,由11月至4月嘅夜晚就可以賞燈
滿心期待上路,可惜最掃興嘅事發生了,就係落大雨!!!!!!!
整個遊樂園區都係露天的,落大雨的確好麻煩,一邊拎遮,一邊影相,又要避開"遮海"
由新宿出發大約一個多小時就到達,入園時未到五點半,但入園後於雨中行左陣,發現燈還未亮,覺得唔多對勁,就返去有瓦遮頭嘅地方,等左一段時間,問吓人先知原來無咁早亮燈,唯有休息一下慢慢等...
休息區有得夾olaf 同baymax
天未黑時無咩睇頭
等到6點半左右,終於等到天黑啦!! 見到眼前一大片燈海,真係忍唔住"嘩"一聲~~
第一次欣賞夜櫻
眼睛吃飽,返到新宿又係時候醫肚,今晚終於試左"磯丸水產"
呢間舖主要食燒物,每枱一爐,成間房都係煙霧彌漫...
我地唔算好肚餓,而且唔想大出血,只係淺嘗咗三樣野
第一樣就係燒蟹蓋,蟹羔甜甜的,yummy~
另外兩樣就係燒三文魚腩同燒雞翼,兩樣都係皮脆肉嫰多汁,大滿足~
享受完美味燒物,離開舖頭後聞到自己真係好臭,好大朕煙味,完全係兩大塊燒肉通街走嘅感覺............好彩酒店竟然有辟味噴劑,即刻拎嚟狂噴,否則呢朕味會係其中一樣帶返香港嘅手信...
全站熱搜
留言列表
