close
旅程進入第六日,今日第一站係去"藤子不二雄博物館",又係充滿期待嘅一站~^^
去到登戶站,買個包做早餐,意料之外嘅高質素~!之後幾日都有留意呢間麵包舖,可惜都無機會再幫襯
登戶駅有專屬巴士去博物館,當然唔少得有相關卡通人物嘅裝置啦
唔止有叮噹,仲有童年所愛嘅Q太郎~~^^
雖然藤子先生唔單止畫叮噹,但始終係其代表作,所以於博物館內不斷發現叮噹相關人物嘅蹤影
連遮都要鎖,真係第一次見...
大雄對眼呀!
排隊等入場時睇吓份博物館指南,無意中見到有條咁特別嘅規則~~~我又點忍心嚇親叮噹呢~XD
一入場就見到好多珍貴嘅手稿,仲有生平介紹等,但博物館內好多地方都唔俾影相,所以只能記在心中
終於到咗影相區,有一個小型漫畫間,有叮噹陪你睇叮噹~XD
大雄又掛住玩唔記得去廁所嗎? 母嬰室標誌嘅黑影似乎係靜儀喎 ^^
轉轉轉~當大雄碰上技安~
好似聽到按安嘅歌聲.....
巨型叮噹扭蛋,不過唔特別吸引
博物館設計咗好多款入場劵,而喺館內睇電影要打個戳,從呢個戳嘅設計真係不得不欣賞日本人的細心,因為個戳正正係藤子先生名字內的"F"字~
館內少不免有主題餐廳,不過通常都唔抵食,而且未肚餓,影吓menu 就算
餐廳隔離仲有餅乾,曲奇等小食賣
呢包都幾吸引,但我都幾相信買咗會後悔,又係影吓相算~XD
經過餐廳就到戶外影相位,每個位都有人龍排隊影相,亦見識到日本人嘅守規矩
又見到Q太郎啦~
一間博物館又點會缺少手信店,無大出血真係要讚吓自己~^^
有好多款來自唔同大長篇嘅post card,買咗一張裝飾辦公枱
個罐幾靚
小朋友應該好鍾意
起初只係見到個盒,仲以為裡面真係CD,後來睇埋裡面,先知原來係朱古力金幣~~仲想恭喜技安做到歌手㖭~XD
唔知學生用呢本零分試卷簿做筆記,會唔會落得同大雄一樣嘅下場呢? (但點解tick 晒都係0分嘅... ?
飛唔起的竹蜻蜓
手稿風的掛畫,價錢當然唔平
雖然難得見到Q太郎嘅公仔,不過都無帶佢返香港lu
全站熱搜
留言列表
