close
離開淺草,向對岸的sky tree 進發
睇人地遊記話行過去都唔遠,所以我地都選擇慢慢行過去,但原來都遠遠地....
對面楝建築物頂的裝置實在令人不禁諗起屎撈人主題曲"屎~我係一篤屎~~"
雖然行到攰攰地,但估唔到會有意外收穫
正當我地行到sky tree 對面時,見到有個小公園,唔單止有塊鏡俾人同sky tree 合照,最驚喜係有條由一樓sir 落地下嘅滾筒滑梯!!!!!呢種咁爽嘅落樓方式"風聞已久",但一直未曾目睹,今次有幸一見,落住微雨都忍唔住玩咗兩次~~~~XD
玩完就過去sky tree,第一件事就係去買banana cake 啦~因為呢度有豹紋特別版~~^^
第一次自己買banana cake,一次買咗四款口味,結論係款款都咁好味~:p
sky tree 除左有觀景台,仲有水族館,不過我地兩樣都無去,只係喺裡面嘅商店行咗一陣
一入去就見到蛋黃哥餐廳~^^
為蛋傾情...
此行令我覺得鬆弛熊都幾靚幾得意
行左大半日,終於到今個行程ge 一個期待節目--去被譽為「世界第一早餐店」ge "bills" 食pancake~~
由sky tree 返去原宿,但記錯左地鐵站,結果行左一大段路...正當我地趕路之時,仲要落起一場不小的雨,有啲狼狽....
登登登凳~~~同事讚不絕口嘅banana pancake 終於出場啦~~~~入口即溶嘅pancake 真係第一次試,配埋蜜糖同香蕉更加一絕,大約八十蚊一份,尚算合理,一人一份剛剛好! ^^ 同事話次次去都要排隊,但好彩今次訂咗位食晚餐,望住外面的人龍,施施然坐低嘆美食嘅感覺真係有啲暗爽...XD
食完去咗附近嘅kiddy land,一間連地庫樓高5層嘅玩具精品店,不過去到已經接近關舖,唯有等第二日再行過
(好似係)蛋黃哥個friend-三文魚....
呢幾隻野勁得意~~好想買晒佢地返屋企~~返到香港都發現佢地嘅蹤跡,但貴好多....
好精緻嘅紙模型,又係可遠觀而不可擁有...
行完就返酒店lu~
全站熱搜
留言列表
