close
原定今日搭8點幾車出發去河口湖,但前一晚再睇天氣預報,發現河口湖今日竟然...
無錯! 係落雪同冰雨!!! - -" 雖然落雪都係另一種體驗,但去河口湖嘅目的係想睇富士山,呢種天氣係無可能睇到,而且多數活動都係戶外,結果就唯有改變行程,改搭晏晝4點幾車, 上半晝就留喺東京行街
今日去原宿,但一直落住不小的雨,而竹下通又無瓦遮頭,結果不斷開遮收遮,都幾麻煩...
原本想買衫,但見到嘅款唔特別靚,價錢亦唔見得平過香港,結果空手而回
喺某商場內見到間disney 專門店,買左人生第一隻tsum tsum~~
tsum tsum 嘅得意度令我班中一囝囝都為之著迷...
行行吓又見到卡樂B 專門店,今次試埋薯片,試咗呢隻sour cream+syrup,估唔到呢個組合係perfect match,真係勁好味!!!!
見到間布甸狗餐廳,唯一喜歡過嘅sanrio 公仔~
原宿駅都幾靚,可惜個天真係好陰...
食完街就返酒店拎行李,順便喺附近嘅一蘭食拉麵,原宿嗰間勁長龍,呢間就完全唔駛排
日本嘅一蘭比香港抵食好多,加多幾塊叉燒同玉子先七十幾蚊港幣
拎埋行李去新宿搭高速巴士,好彩拖行李時唔大雨
車票有點緊張,所以事先上網訂車票,結果順利搭四點幾嘅巴士去河口湖
接近目的地時已經見到雪景
六點鐘到達,歡迎我地嘅就係呢個-1.7度嘅牌......
無預計過會落雪,無預計過會零下幾度,一落車,真係凍到震~~唯有喺車站盡量將僅有嘅衫著上身,貼左張暖貼,但一離開有暖氣嘅地方仍然係頂唔順...
換衫時見到呢張得意告示
喺車站hae 咗一陣,最初嘅計劃係行去民宿,據稱行大約15分鐘,但今日嘅天氣係mission impossible,所以改變主意搭的士
點知司機唔知係因為路程太短唔想載我地,還是覺得我地唔需要花咁嘅錢 (喺日本,呢個機會大啲), 叫我地打電話叫民宿老闆嚟載我地
結果,入返車站搵電話,就見到原來有張指引教遊客點講,好貼心呀~~~~~~~~XD
結果,我就跟住張紙,"半英半日"咁請左民宿嘅人嚟載我地,大約等左十分鐘就有車啦~~
今次住"丸彌莊",同事推介價錢相宜,而且望到富士山
雖然民宿主人唔多識英文,溝通有難度,但我地第一次住和室及訓榻榻米,感覺好特別及舒服,仲有熱湯浸,價錢只係 9000 yen 一晚,整體都幾滿意!
再凍都要出外覓食,好彩民宿對面已經有拉麵店
望出窗見到有人砌左個雪人
咁凍做咩最爽? 咪就係食雪糕! 不過我地都只係喺7仔裡面食,估唔到連7仔都有咁高質素嘅綠茶雪糕~
全站熱搜
留言列表
