close
因為抵抗不住廉航的誘惑,加上要彌補聖誕去唔成台灣的創傷,少有地早幾個月就買機票easter 去旅行~好多年無去過東京,仲記得上次去大阪搭印度航空都要近四千蚊,今次連埋稅三千有找,再加上日元不斷跌,的確係幾吸引~~
不過有得必有失,價錢平,換來嘅係時間唔太好,晏晝一點幾機,到埗已經係夜晚,好好彩hk express 無delay 之餘仲要早咗近45 分鐘,換返多少少時間食野出市區
雖然早咗到,但發現喺香港買嘅sim卡用唔到,唯有去機場的docomo counter 問,但雞同鴨講,浪費咗啲時間...
攪攪吓都七點幾,求其喺機場食啲野先再出市區
食完晚飯就搭京成電鐵由成田去池袋,又平又舒服,大約一個鐘多啲就到,係一個唔錯嘅選擇~
頭兩晚住「池袋百夫長酒店」,距離池袋駅大約5分鐘路程,雖然只係3星,但開左只係半年左右,感覺一啲都唔似3星,整體來說住得好舒服,淋浴露同洗頭水等仲用法國名牌,最重要係只係五百幾蚊一晚,絕對物超所值,有機會一定再去住!!
settle down 後大約九點幾十點,雖然大部分商店已經關門,但我地又點甘心就咁去訓,當然要出去附近逛一逛~而呢個時間,最好當然係去24小時營業嘅「激安之殿堂」睇吓有咩好野
呢款mask 好攪笑,不過貴貴地
第一次見綠色可樂,右邊成個架都係綠茶產品...
後來仲喺7仔見到足球小將糖同埋KFC 味薯片
第二朝憑券到酒店下的餐廳食早餐,有西式同日式選擇,質素尚算可以
是次行程其中一個重要目的就係賞櫻,但因為櫻花已開了一段時間,為免睇唔到,雖然今日天氣一般,都決定先去新宿御苑一趟,有機會先再去其它地方賞櫻!
上一次嚟東京都有賞櫻,但印象中唔算多,而且時間好短
今次難得見到盛開,雖然天氣十分唔好,起初仲落雨,但仍然影得好開心~
御苑不愧為「國民公園」,佔地極廣,種有櫻花七十幾種,如果天氣好,坐喺草地上面野餐賞櫻絕對係一件樂事~
全站熱搜
留言列表
