close
旅程過左一半,呢日本來係諗住踩單車,由hostel 踩去羅東林業場,但hostel 兩部單車中的其中一部漏氣,而咁早又唔知邊度有單車租,結果踩唔成.............0係hostel ge 大廳hae 左陣就黯然地離開羅東...........
呢兩日嘅早餐都係去早餐店食,雖然只係一個好普通又好平嘅包,但真係好好味!!!!!無論係第一日嘅雞扒蛋包,還是第二日嘅薯餅蛋包,味道都係出奇地夾,加埋個醬真係一流,食過番尋味~~
搭的士去火車站轉客運上返台北,但落的士後遇到另一個的士司機問我地有無興趣湊車上台北,聽到價錢幾吸引就應承左,點知等左陣佢都未搵到其它人湊車,結果都係搭返客運....
先去「龍蝦先生」 settle down,hostel 距離車站大約10-15 分鐘,好彩一直都0係有冷氣嘅地下街行,不至於覺得太遠
呢間係一間幾型格ge hostel,唯一可惜嘅係碌架床,同前兩晚被upgrade ge 雙人床相差太遠,哈~
settle down 後又到lunch time,第一站去左西門町,想搵間可以坐低舒舒服服嘅舖頭食野,結果就去左呢間睇落有de 吸引ge 「阿毛」食石鍋燉飯~
石鍋燉飯同石鍋飯唔同之處就係佢係濕濕地的,無飯焦,味道都唔錯
返左去民宿附近的寧夏夜市開餐,第一次去呢個夜市,唔算太大,主要係小食檔,都幾熱鬧!
未入夜市前見到有魚生,買左盒兩式魚生,件數唔太多,但都幾好味
之後就見到夜市嘅招牌,夜市只係一條街,沿住行就會行到返hostel
先去「龍蝦先生」 settle down,hostel 距離車站大約10-15 分鐘,好彩一直都0係有冷氣嘅地下街行,不至於覺得太遠
呢間係一間幾型格ge hostel,唯一可惜嘅係碌架床,同前兩晚被upgrade ge 雙人床相差太遠,哈~
settle down 後又到lunch time,第一站去左西門町,想搵間可以坐低舒舒服服嘅舖頭食野,結果就去左呢間睇落有de 吸引ge 「阿毛」食石鍋燉飯~食完野去左紅樓行藝墟,今次行無第一次行時咁有驚喜,不過仍然享受睇靚野~除左滿足左0係moni shu 買多件衫嘅心願外,仲0係呢度收到份生日禮物~~^^
除左買衫,仲忍唔住買左隻童年米高華素基.......
今日台北有少少雨,不過落吓雨都好,可以驅走de 暑氣,日日過30度真係幾辛苦...
行完西門町就轉戰松山誠品,行之前先食返第一日已經想食,但最後太飽無食嘅cold stone 宇治 聖石綠茶雪糕!!!!!!!!宇治綠茶加紅豆一向係絕配,加埋佢嘅脆餅,當然無失望~~^^ 除左呢款,仲有好多好吸引嘅款式,呢名仲好特別,例如「只愛咖啡」、「猴子也想咬一口」(香蕉雪糕),仲有「停不了口的餅乾」等,可惜香港無分店,好期待...........
不過就係食緊雪糕嘅同時我地就發現盤川不足,當時又唔知換唔換到錢,結果呢杯雪糕就成為我地「最後一餐豪食」..............- -"
食完雪糕就開開心心遊誠品,睇靚野,原則係眼看手勿動,唔忍手就分分鐘無飯食..........
張「請勿觸摸」貼紙嘅位置太幽默! XD
到左第四晚,真係行到好攰,好攰,結果0係誠品坐低睇左成個鐘書先走,做(偽)文青~
經過7仔,終於試左傳聞中的好味溫泉蛋,又真係幾好味,可惜帶唔到返香港.....
呢次去台北,發現台灣政府真係好體貼媽媽,唔止鼓勵讓座俾大肚婆,仲有支持餵母乳嘅措施,好值得香港學習吓
未入夜市前見到有魚生,買左盒兩式魚生,件數唔太多,但都幾好味
第一樣食嘅係呢盒鳯梨蝦球,但無咩蝦味,浪費quota 之作...
翻叮左一串山豬肉腸,不過無羅東0個串咁好味,之後買左呢個好出名嘅龍鳳腿,yummy~
咁就完左台北食食食嘅第一日~
全站熱搜
留言列表
