close
宜蘭其中一個出名嘅旅遊活動就係搭遊艇出海睇鯨豚,據說睇到鯨魚嘅機會係2成,而睇到海豚係6成,另外2成就係睇海,所以都係一個碰運氣嘅活動

我地住羅東,但賞鯨團0係頭城出發,結果晨咁早就要搭的士去火車站,然後再搭火車轉的士先去到出發嘅碼頭,有少少麻煩...

未夠九點就報到,原來碼頭就0係拎左幾個建築大奬嘅蘭陽博物館附近,趁天氣好影返幅相先~



成個行程大約兩個鐘,途中會經過宜蘭著名嘅龜山島,會有講解,然後先到達鯨豚出沒嘅海域

呢個就係龜山島啦~有de 團係會登島,不過要預先申請通行證,而我地呢個團只係遠觀
 有唔少海蝕洞


呢個島0係打杖時曾經係軍事據點
另一樣特別之處就係有海底溫泉!!呢個島係一個火山島,曾經爆發過,而因為有硫磺的關係,沿岸海水明顯較碧綠,形成「陰陽海」,幾特別!!

天空裡的一朵小花
 過左接近一個鐘,終於到達目標海域~或者係我地好彩,架船停低無耐就見到一群海豚游過!!雖然較少游近我地架船,但唔駛望遠鏡都睇得好清楚,有de 跳左出水面,仲見到有條表演空翻!!呢次係第一次咁近距離見到海豚,ha~



 呢條游左過嚟我地架船邊
不過唔知係咪因為今日「好彩」咁快就睇到,船長覺得有貨交,架船唔夠10分鐘就駛走!!呢個舉動都真係幾失望!!呢個trip 要TWD$800,值唔值就真係見人見智啦,如果睇到鯨魚可能會覺得值de....

返上岸後夠鐘醫肚,近近地去左碼頭附近嘅餐廳食海鮮,價錢比之前0係墾丁同高雄食嘅貴少少,不過相對香港都係平de

揀菜時見到de 帶子大大隻,好吸引,結果炒出嚟都好好食,好滑~~^^


呢碟海蔘就ok 啦,略嫌淡左少少
既然咁近蘭陽博物館,入場費又唔貴,重點係有冷氣(真係好熱!!!),當然入去參觀吓啦~~

 一入去就見到大堂有部靚琴
 仲有個幾米雕塑,影相位!!

雖然入場費唔貴,但裡面嘅展覽都幾悶.......因為主要係講宜蘭嘅生態,農業等等,亦缺乏互動性,興趣不大,行左唔係好耐就出返嚟......

臨走前見到幾得意嘅陶碟


arrow
arrow
    全站熱搜

    janet c 發表在 痞客邦 留言(0) 人氣()

    E-mail轉寄