close
離開七星潭後,時間尚早,所以司機戴左我地去附近嘅柴魚博物館

雖然我地唔知柴魚是什麼,但0係呢個館都玩得幾開心~~入場費只係TWD$50,其中$30 可以用嚟消費~本來生日月可以免費入場,可惜0個刻無拎身份證,蝕左...

博物館介紹左好多柴魚生產嘅歷史,但我地興趣唔係咁大,好彩裡面有個小小水族館,有de 活生生又幾得意嘅魚睇吓

呢條叫box fish,真係好似一個box,ha~

dolly 與nemo
 好大隻海馬呀~仲要見到佢地勾住其它野,so cute~^^


呢條魚嘅紋真係好靚...
 魚魚魚魚魚魚魚魚魚........
 博物館有得玩DIY 章魚燒(TWD$150),繼之前0係大阪玩完後再玩一次~
章魚燒是這樣煉成的: 落柴魚味嘅漿-->加章魚粒-->加菜-->再加漿-->反轉-->完成!

靚靚章魚丸

 雪藏完嘅相機好矇矓...ha~

令人會心微笑嘅提示
 玩完就搭火車去羅東,咁啱見到兩車相接嘅情景!

就係呢個時候,發生左件「驚心動魄」嘅事!!!就係有隻大頭蝦掛住訓覺,落火車後先發現漏左個側揹袋仔0係火車!!!!!!! 不幸中之大幸係無唔見護照同身份證,但就有電話同埋少少「公家」台幣

便利店嘅人話台鐵辦公室已經休息,而且民宿主人嚟緊接我地,打算返左民宿settle down 再算,晏少少再去派出所落案,即使搵唔返都希望保險claim 得返

令人感動嘅事跟住就發生....

當民宿主人載左隻蝦返民宿後,正在載我返去時,我同佢提起呢件事,佢一聽到即刻U turn 返火車店,仲拎住我件大行李衝去站長室,然後站長問完詳情後就聯絡車長,即時派人去個位度睇吓仲有無,前後大約15 分鐘就搵返個袋!!

幸好我地係坐對號列車,幸好我地同人調過位,所以我好記得坐邊個位,幸好遇到個好熱心嘅民宿主人,幸好台鐵極高效率,成個過程真係好難忘!!! 呢件事真係好amazing 及感恩!! ^^

既然搵得返個袋,當然要開開心心去覓食 (其實搵唔返都係會覓食...XD), 點知唔知係熱傻左還是興奮得濟,竟然一落街就行錯方向......一條大約10分鐘嘅路我地行左半個鐘........熱死左.......
咁熱當然要食返個冰,又一個豆豆冰,真係好爽呀!!!!!
 羅東夜市嘅野食唔算好吸引,我地只係再食左串山豬肉腸同埋羊肉湯
 幽默的「守則」
臭嘅薯條有咩咁吸引呢...?

呢碗羊肉湯真係好抵好好味!!!TWD$60 成碗都係羊肉,又一令人流口水嘅美食,如果冬天食更加一流!!
食完去左對面嘅夾公仔店碰吓運氣,台灣de 公仔機嘅獎品真係好吸引!而且每局只係TWD$10,抵玩~~

見到line 公仔,忍唔住試吓,估唔到2次就夾到,好興奮!!!! ^^


佢有新朋友啦~

















好攰,好驚,又好興奮的day 2~^^
arrow
arrow
    全站熱搜

    janet c 發表在 痞客邦 留言(0) 人氣()

    E-mail轉寄