close
已經係第六次踏足寶島,第四次踏足台北
台灣的魅力實在太大,機票平,班次密,物價低,民風純樸,美食誘人,大城市交通方便等,忍唔住要一去再去

今次慣例地早機去晚機返,一個完美的旅程,由一個優質早餐開始!
 今次第一次搭飛機order 特別餐,因為經驗告訴我華航的飛機餐實在頗難吃,今次order 左海鮮餐,期望質素會好de~ 叫特別餐的其中一個好處,就係會得到優先服務,哈~呢餐唔記得影相,好似係有魚柳,記憶中味道還可以的.....不過個翠華早餐實在太豐富,結果只係食左好少,一個浪費的開始....

是次旅程的兩個buddy

因為一時大意print 錯台證,到埗後先去落地簽證,無啦啦無左TWD$300.....- -" 去咁多次都係第一次發生,唉.........

簽完證兌完錢,當然又係排隊買電話咭嘅時間~"大哥大"例牌勁長龍,因為簽證已經浪費左de 時間,唔想再等咁耐,結果搏一搏,排最少人嘅"遠傳電信"! 經過5日測試,除左頭幾個鐘唔知點解收得好差外,其餘時間都係完全無問題,同大哥大無明顯差別,即使share wifi 俾第二部機都完全無問題,以後唔駛再花時間0係大哥大身上啦,yeah~! 後來聽個本地人話其實"中華電訊"係最好,如果下次呢間唔多人排都可以試吓~

完成一切就搭國光客運去市政府站~又到lunch time 時間,先去阪急百貨寄存行李,估唔到兩個行李喼加一個backpack 可以塞到入一架儲物櫃,TWD $50/3 hrs 好抵呀~~XD

放完行李去搵食,去返上次去過又覺得幾好味ge "稻禾"烏冬~松山誠品店仍然係要排隊,但呢間分店就完全唔駛等~

今次多左個人,可以試多de 餸~我地叫左兩個烏冬,再配炸雞串,可樂餅,仲有炸蝦~炸雞真係好好味,勁juicy,yummy!!


食完就去誠品行一陣,見到心儀嘅幾米puzzle,但留返最後兩日返台北再買~

百貨公司裡面連張俾人休息嘅凳都咁舒服

大約三點左右就搭首都客運出發去花蓮,沿途見到好多田,好好奇想知道多數係種咩農作物...
 搭左大約一個鐘,由台北去到東部嘅羅東,然後要再搭多個幾鐘火車去花蓮...

沿途見到呢個「空中大學」嘅牌,難道係天空之城嘅大學? XD (正解: 遙距大學)

經過兩個幾鐘車程,終於到花蓮!!第一次去呢個地方~首先當然要去hostel check in,拖住行李行左接近20分鐘,終於到是次旅程的第一個住處-「幸福屋民宿」

搵唔到分床的雙人房,唯有住大床房~「幸運地」獲配呢間有公主床嘅房,外觀真係幾靚,可惜壞處係隔住部冷氣嘅風,結果熱左好耐先有少許涼意......
settle down 完已經大約6點,坐的士去商圈搵食~估唔到台灣嘅的士起錶仲貴過香港,要TWD$100,如果識揸機車真係方便好多...

本來第一站係食鵝肉,但是日公休,誤打誤撞地去左呢個文創區參觀
睇左陣就去左食蚵仔煎,見到呢間大約有十幾人排隊,應該唔錯~
每日只係做5個半鐘,真係好開心...


因為要留quota 食其它野,所以此行所有食物都係淺嘗~呢碟蚵仔煎果然無失望,滑嫰蚵仔配上甜甜地嘅醬,yummy~

食完蚵仔去睇原住民舞蹈表演,不過感覺一般,好似返左大陸睇民族舞表演,而且天氣悶熱,坐左一陣就走

之後去左食第一碗冰,呢碗係綜合豆+粉圓+焦糖冰,真係好好味!!!!!!!!!!!!!甜甜地嘅粉圓,配埋好有咬口嘅綜合豆,仲有溝左煉奶同焦糖嘅冰,絕配!!一試難忘~~可惜之後都無再遇上...
 就係呢間啦,去花蓮一定要食!!

食完透心涼嘅冰又再四圍行吓,呢個老闆嘅黏土手藝真係好厲害!!
 呢間公正包點好長龍,不過咁夜無咩興趣食包
 0係一間電話配件店見到靚靚ipad mini 套,咁啱舊0個個爛左,忍唔住買左件新衫俾mini,ha~
呢個係被我遺棄嘅史迪仔,其實真係好想帶埋佢走........

呢個就係跟左我返香港嘅pooh pooh 啦~~

最後去左呢間"鵝肉先生"買外賣返去hostel 做宵夜,味道都唔錯,好味過西門町間鵝肉店


打的返hostel,遇上個極煩的司機! 一上車就話我地俾人呃,呢間鵝肉唔好食,然後又不停講講講,最後仲就說我地包佢車上太魯閣,雖然價錢有de 吸引,但一諗到要俾佢煩成日都係唔好攪.......

估唔到落車後會發生一件"nor"事......我地打開左民宿嘅門,除鞋正準備入內之際,見到個廳坐左一大堆人0係度睇電視,仲奇怪點解突然多左咁多人...大家互望左幾秒,對方忍唔住問"你們是不是住在隔壁的?這裡是XXX民宿" 

...............................................

點解可以入錯人地間屋嘅............................!!!! how come!!! 

就係咁,結束有口福的第一天~^^


arrow
arrow
    全站熱搜

    janet c 發表在 痞客邦 留言(0) 人氣()

    E-mail轉寄