close
一大早起身去機場,無留意hostel 10點前無得check out,廚房亦無開,失了預算,唯有將房匙交俾一個roommate,早餐則另作打算...



大約3點到達Singapore,或許因為食左個big breakfast 先上飛機,全程都無需要點餐,到埗後當然先去搵食~

搭地鐵見到呢塊勸人唔好跳軌的牌
目的地係芳林熟食市場,根據旅遊書描述呢度有好多好野食~但是日初一,而呢個場係由華人經營,所以全線休市........
第一日到埗時明明確認左林志源初一照常營業,但結果係無開,買唔到肉乾....
原本仲想去華人旅行社買夜間動物園門票,但結果又係無開...
由此發現其實星加坡比香港更有過年氣氛...


餓得發慌,但好多食肆都無開,有開的又唔吸引,唯有求其食少少野...
買左呢串西藏串燒,都幾好味~

唐人街冷冷清清,又諗唔到想去邊,行左入遊客中心,得知The float 有賀年活動,反正plan 左夜晚會去覓食,就決定早de 過去趁墟~

呢個即興嘅節目都唔錯,估唔到會0係彼岸感受到過年的感覺!第一次在海外過年,原來真係有de"每逢佳節倍思親",或許以後年初一都盡量唔會外遊

先經過一堆食檔,主要係賣中國各地出名嘅小食,不過對於我呢個香港人實在唔太吸引,所以無咩點幫襯,反而俾呢支台灣雪條吸引,有好多種味,真係好好味!!真係有芋頭肉,又唔會太甜,臨走前忍唔住食多支芒果布丁味,第一次一晚內食兩支雪條~~XD

行左陣就去搵此行目標之一: 麥皮蝦~幾年前0係馬來西亞試過,一試難忘,0係香港又搵唔到,所以今次預先做功課,知道呢度有得食又唔太貴,當然唔可以錯過~~^^
 睇到流口水...如果多人一齊食一定好開心,,,,,,
期待已久ge 麥皮蝦!!雖然都唔係平(約$120/8隻),但可以重溫那令人回味ge 味道,值呀~~^^ 夜市好多人,一個位都搵唔到,結果拎住碟蝦,坐0係海傍的草地上,遙望金沙剝蝦殼,自然諗起0係巴黎鐵塔前食馬卡龍,這是星加坡版的浪漫.....哈~
 呢日天清氣朗,夜景誘人



換個角度再睇激光匯演

被歌聲吸引向前走,見到小天幕劇場有樂隊演唱,唱著<月亮代表我的心>等老歌
如果0係香港,我一定一走了之,但或許人在異地,加上節日氣氛,忍不住坐低欣賞
聽著在場不同年齡的人都陶醉於歌聲中,甚至最後一齊跟著唱,竟然有一絲感動...
夜市中有個小型遊樂場,見到好多上個世紀嘅機動遊戲,包括樣貌醜陋的旋轉木馬,超迷你海盜船,仲有呢個小時候0係歡樂天地好鍾意玩嘅賽馬機!!

 天黑齊,行返去睇燈飾,製作都幾高質素~~



睇完已經攰攰地,而且咁夜亦無咩地方好多,結果早de 去遊覽機場,順便買斑蘭蛋糕
樟宜機場的確係一個好重視綠化嘅機場,機場裡面有好多植物及園藝,而且3個區主題都唔同,結果為左搵蛋糕(結果都係買唔到...),行晒3個區~


一個好靚嘅藝術裝置


check in 後見到singapore zoo 的舖頭有好多動物公仔,不過實在太貴,所以無帶佢地返屋企
小總結: 第一次去星加坡,感覺唔特別吸引,短期內未必會再去~而今次去澳洲亦無第一次咁興奮,雖然今次0係hostel 聽人講Perth 好靚,但我諗短期內亦未必會再考慮去澳洲了~始終,歐洲的人文及自然景色更吸引我....:)




arrow
arrow
    全站熱搜

    janet c 發表在 痞客邦 留言(0) 人氣()

    E-mail轉寄