最後一日0係vancouver,好想去museum~雖然離開aquarium 已經差不多2點,但都決定去Vancouver Museum~上次去Melbourne museum 有很大的surprise,so 對這個museum 也有一定的期望,但結果卻是徹底的失望.......
第一,位置太偏僻,在downtown 搭巴士落車後仲要行一大段路;第二,無淡好食~~其實呢點唔關間museum 事,只不過減低左我行museum 的意慾...在bus stop 附近買左個banana bagel,相信係全世界最難食ge bagel....石頭般硬,味道奇怪,係我整個trip 唯一捨得扔掉的食物.....第三,亦係最重要的,就係間museum 實在太悶........
museum 的主題是Vancouver history,相信不止我,連本地人都不甚感興趣,面積不小,但visitor 卻只得數個.....
前段述說了早期華人移居當地的歷史,對我來說都算有吸引力的~
後段大部分講殖民,打仗等,真係悶到傻左....
museum 的外型反而有點特別
行左大約1hr 就離開了,很肉痛,admission fee 大約HKD$70.......香港的museum 真係很便宜.....
離開museum 轉戰最後一個目的地--Granville Island,這是當地一個很大的market,sunday 還有street performance,不過我來遲了,部分店已經close左,街上的人也不多....
"街市" 在外國是一個景點,而且多數都歷史悠久,但對我來說不太特別...(Melbourne 的QVM 吸引好多!!)
見到de 好得意ge BB 衫
呢種冰糖葫蘆變奏版在canada 都見過幾次,感覺上很甜,而且都幾貴 (好似三四十蚊港幣一個)
又回到downtown,在Robison street 覓食,"Robson Street is Vancouver, BC's premier shopping and entertainment street",的而且確係名店集中地,so 亦都吸引唔到我.....本來打算最後一餐食好de,很想食熱野,很掛念一碗熱辣辣的拉麵,但在一間cheap cheap 店,至少六七十幾港幣先有一碗麵,我真係不太捨得食.........肚餓極,被街邊這檔hotdog 吸引了....檔主係一個後生仔,有點似中國人,亦有點似日本人,很勤奮,檔子很受歡迎,他弄熱包弄過不停~雖然一隻hotdog 都差不多四十蚊港幣,但很足料,很好味~~~^^
回到hostel,竟然遇上數日前已經分開了的團友Kay!!!真係好surprise~~~~我地竟然有緣得住埋同一間hostel 同一間房同一張床!!!佢見到我比我還要高興,因為佢唔小心format 左張sd 咭,無晒de 相!!佢希望我將同佢一齊0個幾日ge相send 返俾佢,好可惜,返到香港我竟然發現唔見左佢個email address!!!>< (我抄低左幾個人的address,唯獨不見了她的...) 實在對她唔住.......本來諗住佢有抄低我的address,希望佢環遊世界後會send mail 俾我,但到現在都未收到,希望佢唔好怪我啦......><
第二朝早便要離開Vancouver,搭westjet 前往Toronto~delay了約大半個鐘,機上設備很差,chair 有點破爛,只可收看本地電視台,11點起飛,到達Toronto 已是晚上7點,但沿途一點食物也不提供......(之前在aus搭廉航都有de 野食) 餓死左.....