認識世界。認識自己

一大早起身去機場,無留意hostel 10點前無得check out,廚房亦無開,失了預算,唯有將房匙交俾一個roommate,早餐則另作打算...



目的地係芳林熟食市場,根據旅遊書描述呢度有好多好野食~但是日初一,而呢個場係由華人經營,所以全線休市........
第一日到埗時明明確認左林志源初一照常營業,但結果係無開,買唔到肉乾....
原本仲想去華人旅行社買夜間動物園門票,但結果又係無開...
由此發現其實星加坡比香港更有過年氣氛...


餓得發慌,但好多食肆都無開,有開的又唔吸引,唯有求其食少少野...
買左呢串西藏串燒,都幾好味~

 呢日天清氣朗,夜景誘人



被歌聲吸引向前走,見到小天幕劇場有樂隊演唱,唱著<月亮代表我的心>等老歌
如果0係香港,我一定一走了之,但或許人在異地,加上節日氣氛,忍不住坐低欣賞
聽著在場不同年齡的人都陶醉於歌聲中,甚至最後一齊跟著唱,竟然有一絲感動...
夜市中有個小型遊樂場,見到好多上個世紀嘅機動遊戲,包括樣貌醜陋的旋轉木馬,超迷你海盜船,仲有呢個小時候0係歡樂天地好鍾意玩嘅賽馬機!!

 天黑齊,行返去睇燈飾,製作都幾高質素~~



睇完已經攰攰地,而且咁夜亦無咩地方好多,結果早de 去遊覽機場,順便買斑蘭蛋糕
樟宜機場的確係一個好重視綠化嘅機場,機場裡面有好多植物及園藝,而且3個區主題都唔同,結果為左搵蛋糕(結果都係買唔到...),行晒3個區~


一個好靚嘅藝術裝置

小總結: 第一次去星加坡,感覺唔特別吸引,短期內未必會再去~而今次去澳洲亦無第一次咁興奮,雖然今次0係hostel 聽人講Perth 好靚,但我諗短期內亦未必會再考慮去澳洲了~始終,歐洲的人文及自然景色更吸引我....:)

0尋日去完個Paradise Country 實在唔太夠喉,而且gold coast 又無咩景點吸引我,結果今日再去currumbin wildlife sanctuary

 先去間華人旅行社買入場劵,比就咁walk-in 平大約AUD$10~搭大約半個鐘巴士就到,睇map 覺得好似好細咁,但不知不覺都行左5個鐘,唔錯~

先經過一個細細的鳥居,真係幾細,得十幾種雀仔...

 之後見到tasmania devil,但懶洋洋,完全無"惡魔"的霸氣

第一次見呢種tree kangaroo!

之後就係成個動物園最熱鬧ge 地方,一個有好多kangaroo的open area!

一入去就俾呢個小妹妹同呢隻大袋鼠吸引目光,個妹妹當隻袋鼠公仔咁抱,真係好可愛!!!隻袋鼠可能已經習慣de 熱情嘅小朋友,懶洋洋完全唔理...

佢嘅表情真係好可愛~~

壞蛋兵團與袋鼠

影呢張扮訓相真係少de 腰力都唔得...

彈彈吓的袋鼠

一種鍾意石洞的袋鼠仔

今次學識左分west kangaroo 同east kangaroo,west kangaroo(右邊) de 毛真係好滑好舒服

探完袋鼠去左睇餵鱷魚表演,唔係用人餵,係睇人餵
呢個姨姨用幾百蚊換一次餵鱷魚
的機會,抵唔抵就真係見人見智,因為快的話隻鱷魚可能幾分鐘就「上釣」,但0個日佢拎住支竿攪左大約廿分鐘先成功餵鱷,仲要
全場嘅人都望住佢,如果我係佢都幾大壓力.....

真係好大隻,好肥美...

忍唔住笑左,ha~

從外表完全睇唔出呢種Cassowary(食火鳥)係地球上最危險ge 鳥類,佢速度高,而且有利爪,被襲者小則骨折,重則...

呢個動物園都幾wild,wild 到周圍都會見到lizard...睇睇吓餵鱷魚見到佢行近,"善意"提醒隔離的女仔,點知換來尖叫,ha~

行到好肚餓,用AUD$6 買左呢條好難食的"hotdog"

同人類手術室無異

任由宰割的羊羊

表演鑽木取火

真係好靚

全場最有眼光的鸚鵡!!haha~

餵鸚鵡餵到整跌雪糕的小妹妹

大家就係咁一直舉,一直舉.....成功的遠比放棄的少

紀念品都幾靚,不過上次嚟澳洲已經買過樹熊,唔買lu

食左餐印度咖哩,都係唔太好食...

呢個設計實在太方便,如果香港都有就好!!

之前0係Cairns 買左package 今日去paradise country+movie world,點知中左伏!

前一晚0係hostel 問人點去,無人聽過呢個地方,已經有de 不安...呢日搭巴士去到movie world 再行入去,點知一行就行左1公里有多......最慘嘅係落住唔細嘅雨,全程露天,開遮都難免濕,不過已經好過另外一家三口一把遮都無......

行到一半已經灰到極,漫漫長路,看不到盡頭......好彩行左大約2/3 時見到有個農場職員準備開車,問完路後被邀上車,感動!!

千辛萬苦終於到達農場"入口"check-in,原來呢個場主要係接待旅行團,所以check-in後,職員竟然叫我跟住另一個華人旅行團一齊行.....

農場好大,但真正俾遊客睇嘅地方其實唔算多,第一站見到袋鼠,但好細隻又無咩活力咁....
然後有幾隻koala,重點係可以抱koala 影相,全澳洲得返Queensland 可以咁做
雖然機會難得,但百幾蚊影張相實在唔值,多幾個人一齊影都可以考慮...班內地遊客應該有9成都影,影一round 就賺過萬,難怪內地遊客愈來愈受歡迎.....

第一次親手渣牛奶,仲要即刻飲,感受到牛牛的體溫...

仲有剪羊毛示範,第一次睇,都幾得意~

好明顯係做內地遊客生意......

有個小小的泥馬場

表演一個接一個,大約留左3個鐘就離開
絕對唔建議其他人參觀,因為實在太遷就內地遊客口味,感覺似返左大陸

搭shuttle 去今日第二個景點,warner movie world
故名思義,係一個關於華納電影的theme park,但買完package 先知原來gold coast 有另一個較新的movie world,所以對呢個期望不大...

不過期望低反而有驚喜,雖然歷史悠久,但過山車一de 都唔戲場!特別係呢個superman rollar coaster,幾乎係垂直衝落嚟! 唔舒服都要玩,ha~

垂直180度....

仔細睇見到超人0係後面推我地,ha~

有少許新年氣氛

其實我係未睇過batman,不過從呢場show 睇得出batman 真係好受歡迎
明明只係好悶好假ge 打鬥,都引嚟好多歡呼聲...

天氣時好時壞,難得藍天當然要影吓相

獎品好靚!!

 雖然唔係佢fans,但見到咁高大威猛都忍唔住要合照~ha

西部男廁

 玩左一個下午,排隊玩rollar coaster 攪到miss 左parade,遺憾....但呢個下午都算開心~
 返到市中心又食左個early dinner,都係AUD$10,但呢塊牛扒真係好難食.....
 食完去左行night marker,沿住surfer paradise 海邊,大約有百幾檔,主要係賣手工藝,都睇得幾開心
 很厲害但又有少少恐怖的3D portrait

今朝要飛去gold coast,臨走前想食個good breakfast,所以無0係hostel 食toast,專登去左呢間評價不錯的caffiend

坐低後研究左個餐牌好耐,因為價錢都唔平,但又無一個餐好吸引,不過一場嚟到又唔想就咁走

可能我真係坐得太耐, 結果有個waiter 忍唔住走過嚟坐低同我解釋及推介~~XD

結果我就叫左呢個炒滑蛋...其實都幾好味,不過3隻蛋真係太多!!食到勁濟.....
第一次飲拉花咖啡,真係好靚~~飲到杯咁靚ge 咖啡心情會特別好,haha~而且唔止靚,味道都唔錯




 
藍天百看不厭,大堡礁更是,除左amazing 諗唔到其它term 形容,ha

 轉眼間就到Gold Coast,天氣好好,有de 盼望!!
根據hostel 的指引要先搭巴士,然後行一大段路
事前無認真睇過位置,問機場tourist center都唔係好清楚,諗住落車再算

呢程車搭左大半個鐘,落車後嘗試跟hostel的指引行,結果發現係中伏....用左一輪時間先知道自己的位置,然後發現係早左落車,結果揹住個backpack 行行行行行行..........感覺行左十萬九千里,終於到預訂了的hostel............- -"

途中經過呢楝幾特別ge 建築

行行吓見到有間睇落唔錯嘅餐廳,5點前都仲有lunch,只係AUD$10,仲要有唔少選擇!!0個刻剛好4:55,當然唔駛諗就坐低左

0係cairns 一直想試steak,但未有機會,今日決定試個steak burger,另外加杯coke

味道還可以吧,不過真係唔太接受經常都係配chips,食完呢餐已經覺得好熱氣...

 gold coast 有唔少"tourist spot",但有de 其實都幾無聊,例如呢個有唔少宣傳的"timezone",其實只係一間好大嘅冒險樂園加機舖...........

open 25 hrs,型~

 

好大條的...澳洲豆?

其中一個好想帶返香港的手信,但size 比較細,亦諗唔到放邊...

AUD$6 一條大毛巾!!好想買bike me,可惜賣晒,結果買左袋鼠~

鬼屋一間,not my cup of tea

山塞貨???

hostel 附近有個極簡陋嘅遊樂場(空地一塊),但有de 幾刺激嘅機動, 夜晚著燈都幾靚,係我入黑後認路返hostel 的路標

終於到左呢日,今日去大堡礁潛水,都算係成個trip 的重點活動!

出發前睇天氣預報已說在cairns 這幾天天氣都唔太好,甚至有thunderstorm,直至前日報tour,船公司的網頁仍說今日有8成機會落雨,亦有機會雷暴....

昨晚下了場雨,今朝起身微微細雨,地仍是濕的,幸好仍可出船!!

嘩~通街有錢執!!!

個天好灰,但仍有一點藍

呢架就係今日坐的遊艇,相對其它公司的確係小一點,加上今日天氣一般,所以"dun"得好勁,有人由頭嘔到落尾....
今日會去兩個outer reef,分別係Hastings Reef 及Saxon Reef,"dun"左大約個多小時先到
接近目的地時就有教練好簡單地教報左潛水嘅人一de 潛水小知識, 然後填份簡單問卷就可以落水

落水前一大挑戰就係要揹起呢個25kg 的氧氣樽,真係好重!!揹住行好驚會失平衡....



既然無得潛,唯有把握時間浮潛
但第一個礁比較深,所以水底景色只是一般

大堡礁給我的第一個意外係有好多水母0係身邊游水!既驚又喜,雖然好小心避佢地,但結果都摸左一隻,感覺軟淋淋,其實都幾得意...

呢de 唔係水母,而係潛水製造出來的氣泡

無得潛,唯有睇人潛

今次真係水母群~

右邊有兩條小nemo,ha

雖然魚唔算多,但睇吓珊瑚都幾靚

呢餐應該係全個trip 最好的一餐,大蝦牛扒任食,但可惜架船實在太"dun",根本唔會有胃口食......

今日一朝早就去騎馬,有shuttle 到hostel 接送,咁啱同房一對台灣姊妹都係報左呢個團,所以有伴一齊去~佢地兩姊妹一齊嚟探working holiday 的細佬,so sweet,ha~

騎馬的地方在一個熱帶雨林,所以車程都有少少遠,幸好今日天氣都唔錯

我地就係咁樣,0係工作人員陪伴下,0係草原及樹林內踱步,突然覺得有斷背山feel

全程的戲肉就係騎馬落河,真係好刺激,因為教練話隻馬係有機會冼腳,而且因為落完雨,所以0個日水位比較高,結果我濕到上大脾,好彩條褲薄,乾得快.....(此為網圖)

馬場佔地很大,除左馬仲有養其它小動物

馬其實係好細膽的,所以好少會好似咁攤0係度訓

團費包埋午餐,但呢個午餐就真係比較一般,仲要有好多烏蠅同埋蟻,好wild.....

 返左hostel 休息一陣,見到Australia Day 有個event 0係Botanic garden 舉行,而且呢個garden 本身都有興趣睇吓,所以就出發!

但今日係星期日,巴士班次疏得離譜,個半鐘頭一班車,結果我等左一個鐘先上到巴士....
不過0係附近商場用吓wifi,買吓gelato 食,時間不算太難過,或許已被當地的悠閒感所影響

呢間gelato 係當地最受歡迎的,但卻係我人生食得最狼狽的一杯雪糕!! 或許天氣真係太熱,出門唔夠幾步就開始溶,仲要係以極快速度溶掉!! 一邊食一邊滴,佢又無俾紙巾,總之就係一杯難忘的雪糕.....(而且味道只是一般)

雖然等好耐車,但其實唔算好遠,大約20 mins 車程就到
點知去到先發現中伏,原來有event ge 係另一個很遠的Botanic garden......

一場去到,諗住都睇吓,但原來呢個地方好大,基本上係一個山頭,而且指引唔算好清晰,加上巴士極疏的關係,我只係行左一陣就離開左,但都已經見到de 幾特別的植物,相信山上會有更多...

呢棵樹唔知要幾多個人先攬得到呢?

 白行一趟已經有de sad,最sad 係竟然遇上同一個巴士司機........仲要係,佢認得我.....
一句"such a short trip!" 成功推我落谷底 ............

返到市中心,去海傍睇吓Australia Day 有咩活動,不過其實都唔太特別,主要係俾小朋友玩ge 攤位,大人就主要係聽吓音樂

 見到de 小朋友玩沙畫,忍唔住玩埋一份~其實原理好簡單,只係一張貼左雙面膠紙ge 板,將de 膠紙慢慢撕落嚟,然後撒上唔同顏色ge 沙就完成

呢張係製成圖,但見到de 小朋友嘅作品就令我慚愧....

 
 雖然唔識呢隊band,但都坐低聽左陣
可以坐0係草地上聽歌都係一件樂事
 因為聽日潛水的關係,今日要去租相機,估唔到部機勁重,應該話個盒重過部機....


















因為太重,唯有返一返hostel 先...沿途聽到好嘈,原來係蝙蝠......


 今日因為早起,所以感覺好似好漫長.....去左市內比較大的shopping center,但因為係星期日,所以6點左右已經全部關門大吉,享受family time,呢點同香港真係好唔同....
 出去覓食,見到漫天蝙蝠,都有de 恐怖....

快到影唔到

夜晚仍然有人游水

今晚0係呢度開餐

發現有AUD$10自助餐,仲要有海鮮,當然一試!!

AUD$10 一個盒,一次任裝,反正我食量不大,剛好~~試左蝦同埋青口,味道尚算不錯!!以呢個價錢0係澳洲算係超值,ha

很少見到小朋友賣藝,仲要係3個,當然要支持一下!!

行supermarket 係旅行的一大樂趣,又買左芒果食,ha

好靚的海綿寶寶(亦稱佢為「發霉芝士」)蛋糕訓左0係雪櫃裡

0係間手信店見到佢,好攪笑~~XD

在Brisbane 只有一天的時間,今朝早就要搭jetstar 去cairns~hostel 有個機場火車的時間表,但沒想到是不準確的,幸好預鬆了時間...

0係roma street station 買左個火腿卷做早餐,勁難食,de 油多到成張面油紙都吸唔晒....所以去旅行真係唔亂買野食,好易中伏....

上到飛機嚇親我,竟然遇到奧尼爾X2坐我身邊,兩個大隻佬都肯定有200磅以上.....- -" 見到佢地屈0係個位度真係好辛苦,呢刻就會認真的覺得生得細粒的確有好處......

飛cairns 呢程機有點期望,因為好想從高空睇大堡礁,結果真係好amazing...親眼看跟在電視看完全是兩回事,老套的說句,大堡礁真係好似海中的一塊塊寶石,顏色與四圍的海水截然不同,好似會發光咁,忍唔住一睇再睇...




 大約兩個鐘機程便到Cairns,唯一到hostel 的方法就係搭shuttle bus,AUD $14 一程,貴唔貴都無得揀...

這隻草猛搭左程順風車,由機場出發便跳上玻璃窗,一直跟到我地出市區先肯落車....

呢個public area 真係好舒服,夜晚就係攤0係張sofa 度上網...

$0.88真係好抵食!!!

芒果ssss......

醫完肚就要去報tour,比較過很多台灣人幫襯的Dr Tour  以及香港人開的Fit Travel 後,幫襯左Fit Travel 報潛水團及騎馬團~

報完團繼續四周行,今日有weekend market,不過係好hae 的....




 不過見到個令人興奮嘅牌,就係原來第二日就係Auatralia Day!!咁即係有event 啦,great!!

 天氣都幾熱,據聞三十幾度,見到呢個泳池,忍唔住行左落去,之後就返hostel 拎泳具去游水!!!
 泳池位處海傍,所以可以望住珊瑚海游水,感覺真係好特別!
 除左游水,當然唔少得曬太陽
 仲有燒烤板俾人燒雞翼燒牛扒,香到好想走埋去癡食.........
 其實開心真係可以好簡單,一片草地,一個波,可以開心一整個下午...
 
 珊瑚海上有很多海鷗在翱翔天際
 可惜天氣不是太好,全程都無睇過靚日落....
 是日晚餐去Ganbaranba食拉麵,是少有要等位的餐廳,隻溫泉蛋真係好好味!!
 食完去左行night market,一個買手信的好地方
 有好多dream catcher,比較騎呢的有海龜形....
 仲有幾得意的mini 版

離開新加坡,搭夜機去Gold Coast! 機程約7 hrs,雖然訓得唔太好,但又斷斷逐逐訓到,無肚餓過

這便是Gold Coast,一個被河流包圍著的城市,還有長長的海岸線

可能訓唔夠,曾經有一秒幻覺海上的黑影是鯊魚....

 一出Gold Coast 機場就直接搭車去Brisbane,搭機場巴時司機因為無錢找而唔駛我俾錢...(想不到之後仲有第二次....) 落車後要轉火車,跟據之前睇ge 時間表,中間係有6 分鐘時間,但結果因為巴士遲左de,得1分鐘,結果趕唔切上火車,一等就半個鐘...

不過意外的是火車竟然有wifi,ha

Gold Coast check in 慢到極點,搭車出到hostel 附近已經好肚餓,聞到KFC ge 香氣忍唔住買左個餐,款式同香港唔同,但呢個餐都算平,around AUD$6

 Hostel 不太難找,但位處一條斜路的頂端,揹住個backpack 都幾辛苦....

 休息左陣就出去行吓,而且想踩單車,預先上網登記了city cycle,同台北的youbike 相似,頭30 mins 免費,但唔同的是呢個要先俾AUD$2 登記,而且之後每半個鐘當然貴過台北的,ha~所以要好小心計時...

市中心內有好多單車站,租還都好方便,但當我正想租用時,發現左個問題,就係點解架車咁高嘅!!!! = =
雖然座椅有得較高低,但較完都仲係有少少危險咁,所以諗住放棄....

除左高,車身都幾重,所以有de 難控制

天氣不錯

 因為太熱,行行吓去左library 嘆冷氣及用wifi,之後唔順氣,再接再厲,結果順利駕馭架單車,展開我的Brisbane 單車之旅,ha~

主要0係Botanic Garden 及Southbank 踩

Botanic garden 環境好優美,好舒服,可以hae 一個晏晝的地方

很大很美的一棵樹

除左海灘亦有好多草地,呢個小妹妹好認真的在捕雀,見住佢慢慢爬向隻雀,佢應該認為咁樣隻雀就唔會發現,哈~

這對父女的互動很好看,很溫馨...

小妹妹也加入追雀的玩意

人造沙灘亦頗大

0係一個人來人往的公園內著bikini 曬太陽,都算係一個特色,ha

也有像他們的,攤屍....

本來見到Southbank 有night market,不過聽講上個月開始取消左,所以就去最旺的Queen Road覓食~

在網上看得多,終於第一次見真的

在澳洲食壽司是相當不錯的選擇,價錢合理,又唔熱氣

行行吓見到好靚ge 光影show

行行吓又返左library 外面,見到有班人0係度跳舞~~原來係有個教練guide 住大家跳排舞,既然咁開心,當然一齊跳啦!!haha~

專程去影Southbank 的夜景,都幾靚

 原來呢晚southbank 有個Great Australian Bite 的活動,有好野食,但錯過左,可惜...

夜晚的摩天輪都幾靚

hostel 的泳池夜晚好靚..

其實我對肉骨茶無咩特別研究,唔係好識分點先係好食或唔好食,不過呢碗應該都算係好食的...

食完之後又搭MRT去左Biggus,有一個類似聯合廣場(或葵芳廣場)的商場仔,賣嘅衫來源可能都係一樣...

途中經過一個商場有一個頗大的food court,有好多吸引嘅野食,不過胃口有限,所以只係食左亞坤多士

感覺同Toast Box 差唔多

早知試吓呢個更好,哈~

 最後去左睇獅身魚尾像

咁樣係咪鼓勵de 小朋友跳河呢?ha~

第一次見,比想像中細

咁啱對面金沙有激光匯演,"幻彩詠噹噹"的朋友...

匯演完返機場,估唔到有少少趕!!正當我趕得到check in 時,地勤竟跟我說去澳洲是要簽證的!!重點係,佢仲話特區護照係唔可以即刻攪!!! 0個刻完全呆左,點解完全無印象之前去澳洲有簽過證....後來佢叫我去服務台再問下,起初都係話攪唔到,但好彩後來又有個人話好似得,結果感恩,順利完成簽證!!!(後來check 返仲比0係香港簽平左....)

就係咁,完成左第一日新加坡有驚無險盲蹤蹤之旅....

呢樣野令我有點困擾,因為究竟是否等同可以帶10kg呢?而且執完行李後發現7kg 其實真的不多,預定回程實超重....
不過好彩原來hand carry 根本唔會磅重(至少我來回加轉機都無磅過),基本上連睇都無睇一眼,而且雖然寫係1 piece,但我回程時2袋都係無人理,所以睇嚟都幾鬆,哈~