認識世界。認識自己

好快就到左旅程最後一日,真心唔捨得離開台灣,但再唔捨得都係要走..........

最後一日嘅壓軸節目就係蜂大早餐+台北動物園探圓仔!!

今日天氣好好,從hostel 窗口可以見到台北車站
上次又係last day 0係蜂大咖啡食早餐,立志有機會要再幫襯!因為怕飲完咖啡會失眠,所以唯有最後一日先嚟食~今次仍舊覺得好味,杯咖啡好有層次,不過塊火腿無上一次煎得咁香





 坐無人駕駛列車舒舒服服地到動物園站,又一次見到台灣政府的細心
熊貓+hello kitty+貓空纜車
台北動物園真係好抵玩嘅景點,只係TWD$60就夠玩半日,而且動物種類多,保養得亦好,唔會有惡臭味,動物活動空間不少,只係略為wild 左少少,沿途有好多昆蟲,特別係蜘蛛....haha~

一入門就會收到張熊貓館嘅ticket,相信係因為圓仔實在吸引太多fans 「朝聖」,所以要作出人流管制,每人只可以於限定時間進館一次,否如就要等收館前一個鐘先可以再入去

既然係咁就先去睇圓仔,但一入到去只係見到佢同媽媽圓圓一齊大覺訓......ZZZzzzzz...........
館內會有惡惡地嘅保安大叔趕人走,我地等左陣都等唔到圓仔起身,唯有帶著失望地離開.....

紀念品店嘅熊貓陣好壯觀
正當行完紀念品店打算離開之際,竟然離遠見到圓仔起左身!!(有人)千里迢迢嚟朝聖,當然唔想錯過咁難得嘅一幕~結果我地就逆流而上,避開保安叔叔嘅視線,zip 返入去人群當中睇圓仔.......XD

呢隻係圓圓,起身先過圓仔
 終於見到精靈嘅圓仔BB!7月6號先一歲,雖然已經好大隻,但仍然有BB 樣,真係好得意~~^^
 起身玩布袋


 點知又跌埋..........- -" 唯有爬落去執啦....
 此時此刻圓圓媽媽0係度悠閒嘆竹....

 經典囧樣!!!XD
個蓋真係好好玩,好似小朋友咬牙膠
 0係團團間房發現好得意嘅玩具






兩棲爬蟲館都幾好睇

 好幽默嘅展板...
 少有見到唔係訓覺....
最後就係探吓圓仔外另一萌系動物-草泥馬~

 呢個「矮肥短動物」真係好絕............
大約兩點幾離開左動物園,返左去市政府站行吓同食飯,因為想食嘅野都食晒,所以呢餐求其0係food court 食左個橙汁雞扒,味道都唔錯~
行左陣誠品,終於買左幅幾米puzzle~~^^ 最後返到台北地下街再行左陣,就去微風廣場買少少伴手禮~今次真係無咩買手信,只係買返個好好味ge uncle tetsu's cheese cake,同埋charlie's brown 布丁同屋企人分享吓就算,因為實在太多野都可以0係香港買到...



食埋晚餐,帶住不捨嘅腳步離開可愛嘅台灣........
I will be back! ^^

0係猴硐只係逗留左一個鐘左右,就搭平溪線去十分放天燈,個天陰左半日終於落雨,好彩落左陣都停雨,無礙我地放天燈
 之前睇過學生放天燈,今次第一次自己放,好似有張大畫布俾我畫畫咁,ha~




離開十分後就返瑞芳轉客運上九份,一心諗住食碗牛肉麵,點知竟然賣晒...........
再諗住行上de 會有其它牛肉麵,點知原來係無........
行到好攰,而且未天黑,最後都係返左牛肉麵店食冰,好過無.....但食過花蓮嘅冰後,突然覺得呢度嘅冰失色左...
休息完慢慢行上山睇夜景,經過「是誠陶笛」,真係好精緻~近幾年都先後收到3隻,不過都係用嚟裝飾,ha



 慢慢等天黑......

 夜晚嘅九份的確有另一番味道
 0係九份食唔到牛肉麵,結果返左台北車站嘅微風廣場食
雖然話係得過奬,但個湯底同麵條都好普通,此行食唔到好味嘅牛肉麵.....

轉眼到左第五日,繼續台北行~呢間hostel 無早餐,唯有自己去搵食
今日要遠行去九份、十分,因為班次比較疏,所以今日要睇實時間就啱班次,否則就可能好次上次咁等好耐兼無位坐...

先去台北車站買晏晝嘅對座火車票去猴硐,順便0係火車站食早餐,本來諗住窮食m記,但結果"upgrade" 食mos burger~第一次0係mos burger 食早餐,唔駛HKD$20,算抵食,但仍然掛住早餐店嘅漢堡....


 Gary Baseman 的Dumb Luck在門口迎接我地


入場啦~呢張就係入場票,設計成一條鎖匙係因為其中一個exhibition 叫<歡迎來我家>,真係好有心思~^^
我地先睇一個叫<門外家園: 荒蕪的邊緣-黃步青個展>,本身未聽過呢個名,睇左部分展品都唔係好識欣賞,行到中途忍唔住去借左個導賞機,只要有passport 或放低押金就可以免費借用,好user-friendly! 聽住導賞真係明多左好多,後來仲睇左段藝術家親自講解嘅短片,即刻好欣賞佢嘅作品!!

一袋袋模擬海水嘅藍色水袋

呢一組藝術品真係好特別,因為作品包括4隻活生生嘅鸚鵡! 首先係兩隻成日打情罵悄嘅鸚鵡,比喻男女相愛之情

 另一邊就放兩張殘舊嘅梳妝台,仲有兩隻孤獨嘅鸚鵡,好似係暗喻中年感情失落嘅女性...
後來睇短片先知原來呢件作品係由一堆被丟棄嘅抽屜組裝而成,抽屜裡面嘅相係即將或已被遷拆嘅老村嘅相片,感覺同香港有de 相似........

















呢隻Dumb Luck 個樣都幾攪笑,呢個setting 自然聯想1600 隻熊貓!


 睇完0係附近嘅中山市場醫肚,意外地食左碗幾好味嘅排骨麵~


 連locker 都要裝飾一下
之後就出發去猴硐睇貓貓,今次買左對座票,可以好好休息一下
相隔一年,又再返嚟探de 貓貓~^^


 yoga 貓



 睇住佢地就覺得好舒服...

呢隻訓得好無儀態...

旅程過左一半,呢日本來係諗住踩單車,由hostel 踩去羅東林業場,但hostel 兩部單車中的其中一部漏氣,而咁早又唔知邊度有單車租,結果踩唔成.............0係hostel ge 大廳hae 左陣就黯然地離開羅東...........
呢兩日嘅早餐都係去早餐店食,雖然只係一個好普通又好平嘅包,但真係好好味!!!!!無論係第一日嘅雞扒蛋包,還是第二日嘅薯餅蛋包,味道都係出奇地夾,加埋個醬真係一流,食過番尋味~~
 搭的士去火車站轉客運上返台北,但落的士後遇到另一個的士司機問我地有無興趣湊車上台北,聽到價錢幾吸引就應承左,點知等左陣佢都未搵到其它人湊車,結果都係搭返客運....

先去「龍蝦先生」 settle down,hostel 距離車站大約10-15 分鐘,好彩一直都0係有冷氣嘅地下街行,不至於覺得太遠

呢間係一間幾型格ge hostel,唯一可惜嘅係碌架床,同前兩晚被upgrade ge 雙人床相差太遠,哈~





settle down 後又到lunch time,第一站去左西門町,想搵間可以坐低舒舒服服嘅舖頭食野,結果就去左呢間睇落有de 吸引ge 「阿毛」食石鍋燉飯~
 石鍋燉飯同石鍋飯唔同之處就係佢係濕濕地的,無飯焦,味道都唔錯










 返左去民宿附近的寧夏夜市開餐,第一次去呢個夜市,唔算太大,主要係小食檔,都幾熱鬧!

未入夜市前見到有魚生,買左盒兩式魚生,件數唔太多,但都幾好味
 之後就見到夜市嘅招牌,夜市只係一條街,沿住行就會行到返hostel

離開博物館後,坐的士去返頭城老街,因為近期睇<新假期>介紹過,諗住有de 野睇吓
點知去到,只係見到殘舊大屋一堆,即使係雜誌介紹嘅地方亦唔見得有咩特別,所以好快就行返去火車站

頭城之後嘅目的地就係宜蘭啦,重點目標當然係幾米廣場,ha~幾米de 畫咁colorful,變成雕塑影相一定係靚!!

剩係個火車站都已經與別不同!
 首先去嘅0係係火車站對面嘅丟丟噹廣場,未過到去已經見到幾米嘅飛天列車掛左0係半空!!


過返對面嘅幾米廣場,據聞呢度係宜蘭人口密度最高嘅地方!!haha~呢個細細嘅廣場的確吸引左好多人嚟影相,0個日仲見到有人嚟影婚妙相~

風格照show time!




 玩完一輪就四圍行,0係間精品店買左把平靚正嘅MU 梳~^^
天氣真係好悶熱,加上可能已經係第三日,行到好辛苦,忍唔住要入de 有冷氣嘅地方hae...
好彩及時見到呢間「舊書櫃」,一間賣二手書嘅cafe,裡面有sofa 俾人坐0係度睇書,仲有好多印仔cup,有人就0係呢個時候終於忍唔住買左本簿仔儲印仔啦~~^^
 呢間舖真係好舒服,買杯野飲可以hae 半個晏晝~而且de 二手書真係好抵,見到本好新淨嘅<標竿人生>都只係HKD$30,可惜0個日攰到無咩心情慢慢揀,下次有機會遊宜蘭可以再去過~~
抖夠之後再上路,目標係尋找「綠豆沙牛奶」!!
途經一間文具雜貨店,忍唔住手掃左一堆平靚正嘅文具,包括大約HKD$4 ge 阿pooh 靚簿,仲有HKD$20 ge hallmark 靚靚schedule,買完即刻充滿能量~~XD
行左大約15-20 mins,終於見到我地ge 目標!!呢杯野睇嚟都真係幾受歡迎,要排長龍先買到,但味道真係唔錯! 平時我唔食綠豆沙,但呢杯牛奶嘅味道令我一de 都唔抗拒,估唔到綠豆沙加牛奶嘅效果係咁夾,行得咁辛苦都係值的!
飲完奶奶就係時候回程,途中經過宜蘭夜市,唔算好大,但特別之處0係係一條天橋下面,真係好有諗頭,香港可以學吓啦~~(不過香港人一定嫌污漕)
最後返左羅東食晚餐,因為0尋晚行完羅東夜市唔特別吸引,今晚就坐低食好少少,去左呢間安平窯烤,賣點係pizza用石窯烤製,會有一種特別嘅香味!而且仲可以自製 pizza,不過呢晚實在太攰,而且原來只係中午先有得玩,所以呢晚就乖乖地做客人等食~ 
 pizza 味道真係唔錯!批底又薄又軟熟,批邊就好脆口,TWD $320 物有所值啦~


咁就結束左熱到發癲嘅第三日啦~^^

宜蘭其中一個出名嘅旅遊活動就係搭遊艇出海睇鯨豚,據說睇到鯨魚嘅機會係2成,而睇到海豚係6成,另外2成就係睇海,所以都係一個碰運氣嘅活動

我地住羅東,但賞鯨團0係頭城出發,結果晨咁早就要搭的士去火車站,然後再搭火車轉的士先去到出發嘅碼頭,有少少麻煩...

未夠九點就報到,原來碼頭就0係拎左幾個建築大奬嘅蘭陽博物館附近,趁天氣好影返幅相先~



 有唔少海蝕洞


 過左接近一個鐘,終於到達目標海域~或者係我地好彩,架船停低無耐就見到一群海豚游過!!雖然較少游近我地架船,但唔駛望遠鏡都睇得好清楚,有de 跳左出水面,仲見到有條表演空翻!!呢次係第一次咁近距離見到海豚,ha~



 呢條游左過嚟我地架船邊
不過唔知係咪因為今日「好彩」咁快就睇到,船長覺得有貨交,架船唔夠10分鐘就駛走!!呢個舉動都真係幾失望!!呢個trip 要TWD$800,值唔值就真係見人見智啦,如果睇到鯨魚可能會覺得值de....
返上岸後夠鐘醫肚,近近地去左碼頭附近嘅餐廳食海鮮,價錢比之前0係墾丁同高雄食嘅貴少少,不過相對香港都係平de

揀菜時見到de 帶子大大隻,好吸引,結果炒出嚟都好好食,好滑~~^^


既然咁近蘭陽博物館,入場費又唔貴,重點係有冷氣(真係好熱!!!),當然入去參觀吓啦~~

 一入去就見到大堂有部靚琴
 仲有個幾米雕塑,影相位!!

 好大隻海馬呀~仲要見到佢地勾住其它野,so cute~^^


 魚魚魚魚魚魚魚魚魚........
 博物館有得玩DIY 章魚燒(TWD$150),繼之前0係大阪玩完後再玩一次~


 雪藏完嘅相機好矇矓...ha~

 玩完就搭火車去羅東,咁啱見到兩車相接嘅情景!

 羅東夜市嘅野食唔算好吸引,我地只係再食左串山豬肉腸同埋羊肉湯
 幽默的「守則」

食完去左對面嘅夾公仔店碰吓運氣,台灣de 公仔機嘅獎品真係好吸引!而且每局只係TWD$10,抵玩~~




















好攰,好驚,又好興奮的day 2~^^

今次會去花蓮,主要目的就係遊太魯閣國家公園,細佬話佢舊老細形容到有de 「紐西蘭feel」,上網睇相都真係幾靚,一於去睇吓啦~~

今日嘅行程又由一個優質早餐開始,民宿主人煮嘅早餐真係好有心思!
原本想0係蛋餅上畫朵花,結果變左隻龜...........

 竟然搵到張啱佢size 嘅sofa,哈~

然後先去遊客中心,睇左段介紹國家公園嘅片,真係好靚!但可惜好多靚景都係要配合時機,所以今次親眼見到嘅同影片係有一定出入...

由呢度開始就見到de 靚印仔,之後有好多景點都有靚印仔俾人cup,好有心思!突然有少少後悔無買本簿仔儲印仔,否則第時再去台灣可以繼續儲都幾開心...


 我地先去「砂卡礑步道」,因為「溪水中的微酸溶解大理岩中碳酸鈣成分，因此溪水常呈現藍綠色」~我地沿住小溪行左大約一個鐘,後來先知呢段係成日行程最靚嘅一段,如果話有「紐西蘭feel」,呢段都有少少嘅.......

好欣賞台灣人嘅創意同心思係無處不在

 現場見嘅溪水係比影相嘅藍得多



 離開砂卡礑後,就去睇「燕子口」,故名思義就係有好多燕子住嘅地方,不過因為開山工程已經少左好多,好彩0個日都見到幾隻~呢段路有落石嘅可能性,所以會建議遊客載安全帽




 之後行左段大約一個鐘嘅「綠水步道」,感受一吓以前未有公路時de 人係點樣行過呢一段路






藍天白雲~
































呢de一條條嘅白紋真係好似用油漆畫上去,但事實係石的花紋,欣賞大自然的藝術!

 呢條蟲蟲真係好似移動的海膽~~

再之後去左呢個長春祠,呢個祠係用嚟紀念起公路時犧牲嘅工人,不過對祠興趣不大,加上真係幾熱,只係遠觀左就算...

 chok呀~

已經係第六次踏足寶島,第四次踏足台北
台灣的魅力實在太大,機票平,班次密,物價低,民風純樸,美食誘人,大城市交通方便等,忍唔住要一去再去

今次慣例地早機去晚機返,一個完美的旅程,由一個優質早餐開始!
 今次第一次搭飛機order 特別餐,因為經驗告訴我華航的飛機餐實在頗難吃,今次order 左海鮮餐,期望質素會好de~ 叫特別餐的其中一個好處,就係會得到優先服務,哈~呢餐唔記得影相,好似係有魚柳,記憶中味道還可以的.....不過個翠華早餐實在太豐富,結果只係食左好少,一個浪費的開始....
是次旅程的兩個buddy


食完就去誠品行一陣,見到心儀嘅幾米puzzle,但留返最後兩日返台北再買~

百貨公司裡面連張俾人休息嘅凳都咁舒服

 搭左大約一個鐘,由台北去到東部嘅羅東,然後要再搭多個幾鐘火車去花蓮...

沿途見到呢個「空中大學」嘅牌,難道係天空之城嘅大學? XD (正解: 遙距大學)

settle down 完已經大約6點,坐的士去商圈搵食~估唔到台灣嘅的士起錶仲貴過香港,要TWD$100,如果識揸機車真係方便好多...

本來第一站係食鵝肉,但是日公休,誤打誤撞地去左呢個文創區參觀
睇左陣就去左食蚵仔煎,見到呢間大約有十幾人排隊,應該唔錯~
每日只係做5個半鐘,真係好開心...




 就係呢間啦,去花蓮一定要食!!

 呢間公正包點好長龍,不過咁夜無咩興趣食包
 0係一間電話配件店見到靚靚ipad mini 套,咁啱舊0個個爛左,忍唔住買左件新衫俾mini,ha~
呢個係被我遺棄嘅史迪仔,其實真係好想帶埋佢走........

呢個就係跟左我返香港嘅pooh pooh 啦~~